Սոչիի բնակիչը ազատազրկման է դատապարտվել «Օդնոկլասնիկի» սոցիալական ցանցի միջոցով մարդուն ինքնասպանության հասցնելու համար: 31-ամյա Աննա Սիմոնենկոն մեկ տարվա եւ 9 ամսվա ազատազրկման է դատապարտվել, հաղորդում է Ռուսաստանի Կրասնոդարի մարզի քննչական կոմիտեի վարչությունը:
Պարզվել է, որ կինը գրանցվել է «Օդնոկլասնիկիում» տարբեր հորինված անուններով, որպեսզի վրեժխնդիր լինի իրեն լքած սիրեկանից, ով վերջերս էր վերադարձել բանակից: Նա տղայի եւ նրա ծանոթների էջերին տեղեկություն է տարածել, որ երիտասարդը գեյ է: Տղան դա գնահատել է որպես հարված իր պատվին եւ ինքնասպան եղել:
Քննության ընթացքում պարզվել է, որ Սիմոնենկոն նախկինում պոռնկությամբ է զբաղվել: Տղան նրա հետ ծանոթացել է 16 տարեկան հասակում: 2007-ին զորակոչվել է բանակ: Վերադառնալով` երիտասարդը հայտնաբերել է, որ կինը հղի է: Սիմոնենկոն փորձել է ապացուցել, որ դա նրա երեխան է, բայց նա գիտեր,որ անպտուղ է` փոքր ժամանակ տարած վիրահատության պատճառով: Տղան հեռացել է եւ կինը հարկադրել է նրա բարեկամներին իրեն 4,5 հազար ռուբլի գումար վճարել:
Ազատազրկման հետ զուգահեռ, դատարանը Սիմոնենկոյին տուգանել է 800 հազար ռուբլի գումարով, որը նա պետք է վճարի զոհվածի հարազատներին, գրում է «Լենտա.ռուն»:
News.am
Chat
Category: 
Date Added: 2011-12-22 
